સાતે ય દરિયા પાર..

દરેક ક્ષણ એક ઘટના,
એક ઘટના જીવું ત્યાં બીજી તૈયાર..
તું સાથે હોવાનો અહેસાસ ને,
સાતે ય દરિયા પાર..
ઘટનાને સપનું માનું
તો જીવવું દુષ્કર ને
સત્ય માનું તો જીરવવું...
તું સાથે હોવાનો અહેસાસ ને,
સાતે ય દરિયા પાર..
ઘટનાને વ્હાલ કરું તો
નીક્ળી જાઉં આરપાર
ને તરછોડી દઉં તો
વાગે ધારધાર..
તું સાથે હોવાનો અહેસાસ ને
સાતે ય દરિયા પાર..

ShiD.

જીવી લીધું..

ઝીલ્યું ખોબામાં એક આંસુ ને
લે,દરિયાઓ છલકાઇ ગયા તમામ
હથેળી પર લખ્યું એક નામ ને
લે, મ્હોરી ઉઠ્યાં ઉપવન તમામ
શ્વાસમાં પડઘાયું એક નામ ને
લે,જીવી લીધું આયખું તમામ.

ShiD.

ufff..

ufff..
આ આંખો પાસે ય ઈશ્વરે ખરું કામ લેવડાવ્યું
રાજીપામાં ય રડે ને ખાલીપામાં ય...
એનું તો બિચારીનું કામ બેવડાવ્યું છે.

ShiD.

દુહાઇ..

મત બાંધો અબ કિ મોહ મેં મોહે,કન્હાઇ
કહત રહૈ મોહે આવત લાજ
ઠિઠૌરી કરત સબ જન આજ
કાહે સહૈ જગ-હંસાઇ દિન-રાત
દરસ પિયાસે ઇન નૈનન કો મત કરો ઈબ નિરાસ
અંતર ભયી મોહે ઈબ એક હિ આસ
જા,તોહે પ્રેમ કી દુહાઇ
મત બાંધો અબ કિ મોહ મેં મોહે કન્હાઇ...
પ્યારી રાધારાની ,મત દિજો મોહે પ્રેમ કી દુહાઇ,
તુમ કહૈ તો હમ બાંસુરી હી બજાય,
ગૈયન કો લૈ કે બન મા હી બસ જાય
જગ તો ખૂદૈ હી પાગલ હૈ
કાહે તુ મન મેં બાત લગાય
અબ કિ દોર બાંધે ઐસન તોહે
કે જનમભર ના છૂટ પાય..

ShiD and Hershal P.
(this is a combined effort ..thanx Hersh)

નહીં ફાવે...

વરસાદની જેમ તું ધોધમાર વહાલ કર,
આમ ચાતકની જેમ તરસવું નહીં ફાવે..
મેઘધનુષ્યની જેમ તું આકાશ રંગ ગુલાલ કર,
આમ કાળું ડિબાંગ નહીં ફાવે..
અસહ્ય પીડાને એકવાર તું બોલતી કર,
આમ મૌનની ભાષા સહેવાનું નહીં ફાવે..

ShiD.

કહેવું તો શું????

મારી આંખમાં ગોરંભાતી તારી યાદો ને
આંખો સાંબેલાધાર મેઘ...
મારે તને કહેવું તો શું???
મારા સ્મરણોમાં તારી વાતો ને
સપનાઓમાં માત્ર તું એક....
મારે તને કહેવું તો શું???
મારી નસેનસમાં વહેતું તારું નામ ને
ધબકે તું ધબકારમાં પ્રત્યેક...
મારે તને કહેવું તો શું???

ShiD.

મઝ્ઝાનું સપનું....

મમ્મા,કાલે તો મને સપનું આવ્યું 'તું.....
એવું મઝાનું સપનું કે ના પૂછો વાત....
સપનામાં તો મારી ચાલુ થઈ ગઈ છે સ્કૂલ
પણ વર્ગ હતા માત્ર સાત....
પહેલો વર્ગ ભગવાન ને પ્રાર્થનાનો ને
બીજો આખી સ્કૂલ સાથે વાત..
ત્રીજો-ચોથો વરસાદનો ને સાહેબે
કરી મેઘધનુષ્યની વાત...
પછી પડી રિસેસ,તો ય ચાલુ વરસાદ...
નહીં તો -કોરો તડકો થાત...
પાંચમામાં ઊડ્યાં પતંગિયા ને જોઈ
ફૂલોની રંગબેરંગી ભાત..
છઠ્ઠામાં સાહેબે સાંભળી
બધાની રજાઓની વાત..
ને એં...સાતમામાં તો બધાને આપ્યું લેશન..
"જાવ,છોકરાંઓ..કાલે ચિતરી લાવજો વરસાદ .."
આટ્લું કહ્યું ત્યાં તો મારી ઊઘડી ગઈ આંખ..
મમ્મા,કાલે તો મને સપનું આવ્યું 'તું એવું મઝાનું સપનું ,
કે ના પૂછો વાત.....