સાંજ થતાં..

સાંજ થતાં અંધારા ઉતરે ને
તારી યાદ
અજવાળા પાથરે..
સાવ અકારણ હસી પડ્વું
ને અચાનક વજનદાર મૌન..
ઊંડા અંતરમાં ક્યાંક ભણકારો વાગે
ને બોલકું થઈ ઉઠે મૌન..
આંખોમાં એક છબી તરે
ને આંખોના તળાવ માં
છલકી ઉઠે મૌન..
સાંજ થતાં અંધારા ઉતરે
ને તારી યાદ
અજવાળા પાથરે..

ShiD.

તું ભલે...

તું ભલે તારા ગમતાં આકાશ પાસે ઉડી જજે
પણ તારો એકાદ ટહુકો મારા આકાશમાં છોડી જજે
તું ભલે આ જગતની ભીડમાં ભળી જજે
પણ તારું એકાદ સ્મરણ મારા એકાંતમાં ભરી જજે
તું ભલે તારા અલગ માર્ગો વિસ્તારી જોજે
પણ કદીક જરુર વર્તાય તો એકાદ હાક મારી જોજે..

ShiD.

તમે ય ખરાં છો !!!!!

તમે ય ખરાં છો..
તમને મળવા અમે પરોઢ થયા તો
તમે સાંજ બની ને ચાલતી પક્ડી
તમને મળવા અમે ફૂલ થયાં
તો તમે પતંગિયું બની ને ગતિ પકડી
તમને મળવા અમે રાત થયાં તો
તમે ઉજાસ બની ને પથરાઇ ગયા
તમને મળવા અમે ઝાકળ થયાં તો
તમે વાદળ બની ને વિખેરાઇ ગયા

તમે ય ખરાં છો !!!!!

ShiD..

સાતે ય દરિયા પાર..

દરેક ક્ષણ એક ઘટના,
એક ઘટના જીવું ત્યાં બીજી તૈયાર..
તું સાથે હોવાનો અહેસાસ ને,
સાતે ય દરિયા પાર..
ઘટનાને સપનું માનું
તો જીવવું દુષ્કર ને
સત્ય માનું તો જીરવવું...
તું સાથે હોવાનો અહેસાસ ને,
સાતે ય દરિયા પાર..
ઘટનાને વ્હાલ કરું તો
નીક્ળી જાઉં આરપાર
ને તરછોડી દઉં તો
વાગે ધારધાર..
તું સાથે હોવાનો અહેસાસ ને
સાતે ય દરિયા પાર..

ShiD.

જીવી લીધું..

ઝીલ્યું ખોબામાં એક આંસુ ને
લે,દરિયાઓ છલકાઇ ગયા તમામ
હથેળી પર લખ્યું એક નામ ને
લે, મ્હોરી ઉઠ્યાં ઉપવન તમામ
શ્વાસમાં પડઘાયું એક નામ ને
લે,જીવી લીધું આયખું તમામ.

ShiD.

ufff..

ufff..
આ આંખો પાસે ય ઈશ્વરે ખરું કામ લેવડાવ્યું
રાજીપામાં ય રડે ને ખાલીપામાં ય...
એનું તો બિચારીનું કામ બેવડાવ્યું છે.

ShiD.

દુહાઇ..

મત બાંધો અબ કિ મોહ મેં મોહે,કન્હાઇ
કહત રહૈ મોહે આવત લાજ
ઠિઠૌરી કરત સબ જન આજ
કાહે સહૈ જગ-હંસાઇ દિન-રાત
દરસ પિયાસે ઇન નૈનન કો મત કરો ઈબ નિરાસ
અંતર ભયી મોહે ઈબ એક હિ આસ
જા,તોહે પ્રેમ કી દુહાઇ
મત બાંધો અબ કિ મોહ મેં મોહે કન્હાઇ...
પ્યારી રાધારાની ,મત દિજો મોહે પ્રેમ કી દુહાઇ,
તુમ કહૈ તો હમ બાંસુરી હી બજાય,
ગૈયન કો લૈ કે બન મા હી બસ જાય
જગ તો ખૂદૈ હી પાગલ હૈ
કાહે તુ મન મેં બાત લગાય
અબ કિ દોર બાંધે ઐસન તોહે
કે જનમભર ના છૂટ પાય..

ShiD and Hershal P.
(this is a combined effort ..thanx Hersh)