જત લખવાનું કે..

જત લખવાનું કે..
આજે અહીં ગોરંભાયુ છે..વ્હાલ-મા..
ગમ્મે ત્યારે મુશલધાર વરસશે..વ્હાલ-મા..

આવે ત્યારે..
થોડાં વાદળાં લેતો આવજે..વ્હાલ-મા..
ને અહીં રમતાં મેલી દેજે ..વ્હાલ-મા..

પણ શરત એટલી કે..
તારે પણ ભીંજાવુ પડશે ..વ્હાલ-મા..
આજે કોઇ બહાનું નહીં ચાલે..વ્હાલ-મા..

આવે ત્યારે..
ઉજાગરા વહેંચી ને પીશું..વ્હાલ-મા..
હમણાં તો એકબીજાં ને સ્મર્યાં કરીએ..વ્હાલ-મા..

જત લખવાનું કે..
હવે એક એક ક્ષણ યુગ જેવડી લાગે..વ્હાલ-મા..
કેમ કરી ને ખુટાડવી ..મારા વ્હાલમા....

એ જ લિખિતંગ..
બીજું કોણ..
તરસે સદાયે....
જે..
તારા વ્હાલ-મા..



ShID © 2010 ·

ગીત....

આંખના કાજળની કીધી સિયાહી
ને લખ્યો એક પત્ર...
સિયાહીમાંથી વહ્યાં..
લાગણીભીનાં સ્પંદન માત્ર..
સ્પંદન ગૂંથીને રચ્યું એક ગીત..
છલકી ઊઠી એમાંથી..
રાધાતણી પ્રીત...
મોરપિંચ્છ્ની કીધી કલમ..
લખ્યો એક પત્ર..
કલમમાંથી વહયાં..
વાંસળીનાં સૂર માત્ર..
સૂર વીણીને રચ્યું એક ગીત..
ગૂંજી ઊઠી એમાંથી..
રાધાતણી પ્રીત..

ShID © 2010 ·..

મનપ્રદેશ હવે રણપ્રદેશ..

મનપ્રદેશ હવે રણપ્રદેશ..
ઝાંઝવાનાં જળ પાછળ દોડ્તું
આ મન..
હવે રણને અર્પણ..
લીમડાનાં લહેરાતા છાંયડાના
બદલે...
હવે બાવળનું ઊભું વન..
શૂળો થકી છેદાયેલું આ
મન..
હવે ..
રણને અર્પણ..
મનપ્રદેશ ..
હવે ..
રણપ્રદેશ..

ShID © 2010