જત લખવાનું કે..

જત લખવાનું કે..
આજે અહીં ગોરંભાયુ છે..વ્હાલ-મા..
ગમ્મે ત્યારે મુશલધાર વરસશે..વ્હાલ-મા..

આવે ત્યારે..
થોડાં વાદળાં લેતો આવજે..વ્હાલ-મા..
ને અહીં રમતાં મેલી દેજે ..વ્હાલ-મા..

પણ શરત એટલી કે..
તારે પણ ભીંજાવુ પડશે ..વ્હાલ-મા..
આજે કોઇ બહાનું નહીં ચાલે..વ્હાલ-મા..

આવે ત્યારે..
ઉજાગરા વહેંચી ને પીશું..વ્હાલ-મા..
હમણાં તો એકબીજાં ને સ્મર્યાં કરીએ..વ્હાલ-મા..

જત લખવાનું કે..
હવે એક એક ક્ષણ યુગ જેવડી લાગે..વ્હાલ-મા..
કેમ કરી ને ખુટાડવી ..મારા વ્હાલમા....

એ જ લિખિતંગ..
બીજું કોણ..
તરસે સદાયે....
જે..
તારા વ્હાલ-મા..



ShID © 2010 ·