આથી માલમ થાય કે..
તારો કાગળ મળ્યો કાલની ટપાલમાં..
અહીં બધું કુશળમંગળ..
ખોટી ચિંતા ના કર વ્હાલ-મા..
બીજું એમ લખવાનું કે..
વાદળ-વરસાદ પણ ખુશહાલમાં..
એક કવિતા લખી રહ્યો છું હાલમાં..
મોકલી આપીશ...
વળતી ટપાલમાં..
અરે ..અરે..એમ ગુસ્સે શું થાય છે?
કે ખાલી ખાલી વ્હાલ-માં???
ભલે..હું જ આવી જઈશ..બસ???
વળતી ટપાલમાં....
એ ય..સાંભળને..પેલું કહેવાનું તો રહી જ ગયું..
બધી બબાલમા...
અહીં એક સફેદ સસલું છે..
એને જોઉં ને..
તો તું દોડી આવે ખયાલમાં..
ચાલ,અત્યારે તો આટલું જ..
તું ,તું ને તું જ..
બીજું કશું સુઝ્તું નથી
તારા વ્હાલ-માં..
એ જ લિખિતંગ..
બીજું કોણ....
વરસે જે..
સદાયે તારા..
વ્હાલમાં
ShID © 2010
