કહેવતો/રુઢિપ્રયોગોના અર્થને મચેડવાનો આ એક સન્નિષ્ઠ પ્રયાસ છે.
કહેવતો અને રુઢિપ્રયોગો માટે મને પહેલેથી જરા પક્ષપાત રહ્યો છે .અોછાં શબ્દોમાં અસરકારક રીતે રજૂઅાત અે કહેવત /રુઢિપ્રયોગોની ખાસિયત છે. થોડાં સમય પહેલાં સાવ નિર્મળ અાનંદ માટે થોડી ગુજરાતી કહેવતો/રુઢિપ્રયોગોનું અંગ્રેજીમાં શબ્દશ: ભાષાંતર કરવા પ્રયત્ન કરેલો.જેને જે-તે કહેવત કે રુઢિપ્રયોગના ભાષાંતર/અનુવાદ/ભાવાનુવાદ સાથે ઘણું છેટું હતું.ભાવાર્થ કે હાર્દ સમજ્યા વિના અન્ય ભાષામાં કહેવત/રુઢિપ્રયોગોનું ભાષાંતર કરવામાં સર્જાતાં રમૂજી છબરડાં અેટલે આ કહેવતો/રુઢિપ્રયોગોની યાદી,જેને કહેવત-કોષ ને બદલે કહેવત-દોષ કહેવું ઉચિત છે. રોબર્ટ ફ્રોસ્ટે ભલે માત્ર કવિતા માટે લખ્યું હોય કે ''poetry is what gets lost in translation ' -કહેવત કે રુઢિપ્રયોગો માટે ય અેટલું જ લાગુ પડે છે.
બીરેન કોઠારીનો ખાસ અાભાર કે અેમના ધક્કા વિના મેં કદાચ અા રમૂજી અનર્થ બ્લોગ પર મુકવાનું હજી ટાળ્યું જ હોત .
આ વખતે આ યાદીમાં પ્રાણીઓને લગતાં કહેવતો અને રુઢિપ્રયોગો સમાવવામાં આવ્યાં છે.
• માંકડને આંખો આવવી: tick gets conjunctivitis
• કીડી માથે કટક : cuttack on the head of an ant
• શેરને માથે સવા શેર quarter past one lion on the head of a lion
• સંઘર્યો સાપ પણ કામનો stored snake is also useful
• સાપ ગયા લિસોટાં રહ્યાં snake went scratches left
• માપે ગજના ગજ વેતરે કંઈ નહીં: measures elephants' elephant.. Cuts nothing
• ખાખરાની ખિસકોલી સાકરનો સ્વાદ શું જાણે?squirrel of roasted thin cracker of wheat flour does not know the taste of sugar
• બે પાડાની લડાઈમાં વાડનો ખો નીકળવો: the game of " kho" got out because of fighting of two mr.buffaloes
• ધરમની ગાયના દાંત ન જોવાય :can't see teeth of religion's cow
•ભેંસ ભાગોળે છાશ છાગોળે ઘર ધમાધમ : buffalo bha-jaggory-e buttermilk chha-jaggory-e house is noisy .
*************************************
જાહેર જનતાના હિતમાં જારી :
૧.અા લખાણ મનદુરસ્તી માટે હાનિકારક બની શકે છે. કોઇ પણ પ્રકારની હાનિ માટે હમો જવાબદાર નથી.
૨.જો કોઇને આ ભાષાંતર વાંચ્યા પછી ઢાંકણીભર પાણીમાં ડૂબી જવાની ઇચ્છા થાય તો અે માટે ઢાંકણી ,પાણીનો પ્રબંધ સદરહુઅે પોતે કરવાનો રહેશે.
૩.દેશીવિદેશી અૉર્ડર લેવામાં અાવશે નહીં જેની નોંધ લેવી અને યાદ રાખવી.
૪. આ યાદીની અધિકૃતતા અંગે કોઈ પણ પુછપરછ કરવાની સજ્જડ મનાઈ છે.
૫. આ યાદીમાં સ્વેચ્છાએ સુધારો /વધારો કરવાનો કોઈને અધિકાર નથી.
૬.આ યાદી હજી પાશેરામાં પહેલી પૂણી છે. ભાવકે પોતનાં જોખમે નવી યાદી બહાર પડે જોતાં રહેવું.
